دلع البنات و الولاد

بعد البحث والتدقيق وجد أن البنت أحسن من الولد :
البنت بتتكلم براحتها في التليفون وأبوها أو جوزها هو أللي بيدفع الفاتورة في الأخر.
البنت مش ملزمة تجهز نفسها أبوها أو خطيبها هم أللي ها يدفعوا دم قلبهم.
مفيش حد بيبص على بدلة العريس كله بيبص على فستان العروسة.
لو واحدة عملت مخالفة وعيطت شوية للظابط هيلغي المخالفة لها أما لو راجل ها ياخد على دماغه.
لو واحدة ما أعطت أقاربها عيدية مش هايقولوا عليها بخيلة .هايقولوا أصل العيب على جوزها.
لو واحدة أتأخرت على المحاضرة ممكن الدكاترة يدخلوها أما لو ولد ها يقولوا روح يا بابا كمل نوم برة في الشمس.
لو حصل زعل بين البنت وباباها مش هايطردها برة البيت.هي بس يادوب تعيط شوية وباباها يروح يصالحها علطول. أما الولد فيدوب يلحق مكان ينام فيه جنب البواب.
دلـع البنـات :
يا ختي جميلة (سنتين)
يا عسولة (5 سنين)
يا عروسة (12 سنة)
يا قمر (18 سنة)
يا هانم (40 سنة)
يا أم العيال (50 سنة)
يا ست الكل (60 سنة)
دلـع الأولاد :
أنت ياد (10 سنين)
أنت يا شحط بقيت طول الباب (18 سنة)
يا راجل (40 سنة)
يا عم الحاج (50 سنة)
يا راجل يا عجوز مناخيرك أد الكوز (60 سنة)