الافضل للابد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةأحدث الصورالتسجيلدخول

 

 جه وقت الفوازير فوازير جمدة و نكت جمدة

اذهب الى الأسفل 
2 مشترك
كاتب الموضوعرسالة
TPomar
Admin
TPomar


المساهمات : 191
تاريخ التسجيل : 20/04/2009
العمر : 23
الموقع : الاسكندرية

جه وقت الفوازير فوازير جمدة و نكت جمدة Empty
مُساهمةموضوع: جه وقت الفوازير فوازير جمدة و نكت جمدة   جه وقت الفوازير فوازير جمدة و نكت جمدة Icon_minitime1الإثنين مايو 04, 2009 6:46 am

ليه الصعيدي الصغير أذكي من الصعيدي الكبير .؟؟؟؟؟ لأنة مش بقاله كتير صعيدي

******

ازاي تعرف البواب الصعيدي ....؟؟؟؟؟ بينضف الاسانسير في كل دور

******

صعيدي سألوة أية رأيك في الزواج المبكر...؟؟؟؟ قال لهم فانهي ساعة ؟؟

******

أية هو المكتوب علي قاع ازازة البيبسي في الصعيد...؟؟؟؟ مكتوب : الفتح من الناحية التانيه.

******

صعيدي لغي ميعاده مع الدكتور لأنة عياااان

******

مره واحد بلديتنا طوبه جت في صدره بص وراه

******
واحد بلدياتنا عمل اتنين إيميل، واحد دوت كوم للشتاء وواحد نص كوم للصيف

******
مره واحد بلديتنا كان بيدق مسمار فى الحيطه فالمسمار وقع منه فقال له :تعالى فمش جاله, فقال له: تعالي مش جه. فراح بلديتنا رامي على المسمار شوية مسامير وقالهم: هاتوه

******
اربعه بلدياتنا بيلعبو علي الطريق الصحراوي اللي العربيه تخبطه مرتين يطلع بره

******
عشرين واحد من بلدياتنا غرقوا في غواصه ليه؟؟ سمكه خبطت عليهم !!؟

******
واحد بلدياتنا عازم اصحابه على السطح ليه؟ اصحاب سطحيين

******
واحد بلدياتنا رجع من امريكا قاعد بيحكي لأبوه وأمه الحاجات الغريبة اللى شافها .- دانا شفت هناك واحد وقع من فوق عمارة طويييلة.. قعد ثلاث ايام لحد ما وصل الأرض. أمه سألته: طيب مات ؟؟
ابوه رد عليها: ثلاث أيام لا يأكل ولا يشرب .. أكيد ماااات

******
واحد بلدياتنا عنده ارق ومش عارف ينام....قال له صاحبه عندي لك طريقة للنوم مؤكدة...عد من واحد الى خمس ميه... بلدياتنا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين ...
جـاه النوم … قـام غـسـل وشه ورجــع للـسـريـر يـكـمـل الـعـد

******
بلدياتنا تاجروا في الموز خسروا علشان بيرمو الموز المعوج

******
واحد بلدياتنا في مسابقة من سيربح المليون اتصل بصديق وقال له الو محمدين معانا 30 ثانية رايك احذف اجابتين ولا استخدم الجمهور !؟

******
بلدياتنا مش بيعرف يعوم وقع فى البحر مات محروق

******
واحد بلدياتنا وقع في خلاط الأسمنت طلع منه قال يخرب بيت الملاهي

******
مرة طفل بلدياتنا راح للبقال فقال لة عمو عندك شيكولاته ام ربع جنية قال لة البقال نعم عندى فقال الطفل طيب بكام

******
واحد بلدياتنا رجع من السفر لقى الشقة مليانه صراصير.. غير قفل الباب

******
واحد بلدياتنا اشتري كمبيوتر... شال الماوس وحط جاموسة

******
بلدياتنا أول مرة يشوف واحد فلبيني قال يا بخته ده شبعان نوم

******
واحد بلدياتنا راح يتمشى جابوه من على الحدود

******
مرة واحد بلدياتنا عرف ان الجلد موضة مشى عريان

******
جماعة بلدياتنا عملوا أتوبيس بالعرض عشان يركبون كلهم قدام

******
اتنين بلدياتنا عاوزين يشربو سجاير ومش معاهم قالو ندخل ميتم بيوزعو سجاير هناك ، دخلو قعدو جمب واحد فى الصوان بيدخن قال الاول : انفاس معدودة وقال
التانى : كلنا لها رد الراجل : محدش واخد منها حاجة

******
مره واحد بلدياتنا ركب دماغه عمل حادثه

******
مرة واحد بلدياتنا نزل في محطة الرمل رجلة غرزت

******
واحد بلديتنا اتعزم على حفلة تنكرية بعت اخوه

******
واحد بلدياتنا دخل جنينة الحيوانات ودخل راسه في قفص الاسد، الحارس جري عليه قاله انت بتعمل ايه، قاله ايه يابا يعني هناكله

******
واحد بلديتنا كبر دماغه معرفش يخرجها من التي شرت

******
صعيدي كسب 60 مليون دولار إشترى رونالدو


******

واحد و هو بيموت بص لمراته بصي كلها رومانسيه و قالها : انا لما اترفدت كنت معايا ، و لما عييت وقفتي جنبي، ولما فلست برضوا كنت معايا ، و دلوقتى لسا جنبي ، مسك ايدها بحنيه و قالها : مش عارف ليه حاسس انك نحس


******

مرة 5 دخلوا كلية الهندسة اثنين طلعوا مهندسين وثلاثة مدينة نصر

******

مدرس رياضيات اتجوز مدرسة رياضيات انجبوا طفل متساوى الساقين


******

ثلاثة مساطيل قاعدين في سهرة
الأول : أنا عندي فلوس أشتري فيها أمريكا الشمالية
الثاني : وأنا عندي فلوس أشتري فيها أمريكا الشمالية و الجنوبية
الثالث : و مين قالكم إني رح أبيع

******

واحد خلقه ضاق اداه لأخوه الصغير

******

طلب مدرس من تلميذ غني جدا ان يكتب موضوع تعبير عن عيلة فقيرة فقال التلميذ : كان في عيلة فقيرة الأب فقير و الأم فقيرة و الأولاد فقراء و الشغال فقير و السواق فقير و البستاني فقير كلهم فقراء

******
واحد فاتح محل سمك ابنة مات ماشي في الجنازة بيقول كان لسة صاحى وبيلعب

******

مره عشرة بلديتنا ماشيين ورا بعض وقعوا في حفرة واحدة


******

واحد خواف قوى خطيبته بتقوله نفسى أموت وسط أحضانك ...قالها روحى موتى وسط أهلك أنا مش ناقص مشاكل

******

واحد اتجوز واحدة اسمها نعمة باسها وش و دهر

******

غبي أذانية محروقة قالولوا : ليش اذنك محروقة؟؟
قال: كنت اكوي قميصي ورن التليفون ورديت بالمكوى
قالوا : والثانية ليه محروقة؟؟
قال: الحمار أتصل مره تاني

******

مره واحد ركب اوتوبيس شاف واحده قاعده راح بصلها فبصتله , ضحكلها ضحكتلو غمزلها غمزتلو راح شاورلها على المحطه , فنزلت ....راح قعد مكانها

******

مهندس كمبيوتر مات............ كتبوا على قبره
Game over

******

سالوا سائق: مين المطرب المفضل عندك ؟؟؟ قال : مايكل داتسون

******

واحد مشغول اتجوز واحدة مشغولة خلفوا ولد مش فاضلهم

******

مرة مدرس رياضيات خلف ولدين و استنتج التالت

******

عشرة بلدياتنا أخذوا شقة و كل اسبوع يطردو واحد ليه ؟ بيقلدو ستار أكاديمي !!؟

******

مرة ممثل كبير جاله دور برد , رفضه

******

مرة مذيعة عملت عملية في ظهرها...شالولها فقرة ..و حطوا برنامج

******

مرة واحد بلدياتنا واقف في الشارع و بيتكلم في المحمول و عمال يزعق و يقول: بس دوري تاني ، دوري كويس
قام واحد معدي في الشارع جه قال له: في إيه
قام بلدياتنا قال له: طلبت رقم قامت طلعتلي ست عمالة تقول
(الرقم الذي طلبته غير موجود في الخدمة
الرجوع الى أعلى الصفحة اذهب الى الأسفل
RunOrDie

RunOrDie


المساهمات : 173
تاريخ التسجيل : 20/04/2009
العمر : 26

جه وقت الفوازير فوازير جمدة و نكت جمدة Empty
مُساهمةموضوع: رد: جه وقت الفوازير فوازير جمدة و نكت جمدة   جه وقت الفوازير فوازير جمدة و نكت جمدة Icon_minitime1السبت مايو 09, 2009 12:27 pm

goooooooood man
الرجوع الى أعلى الصفحة اذهب الى الأسفل
 
جه وقت الفوازير فوازير جمدة و نكت جمدة
الرجوع الى أعلى الصفحة 
صفحة 1 من اصل 1
 مواضيع مماثلة
-
» فوازير رقم 1
» اجبات فوازير رقم 1
» فوازير وحلها

صلاحيات هذا المنتدى:لاتستطيع الرد على المواضيع في هذا المنتدى
الافضل للابد :: فرفشة :: نكت-
انتقل الى: